آج تمہاری سالگرہ ہے

جلتی شمعیں ، روشن چہرے
نازک لڑیاں ، كامنی سہرے
نرگس ، بیلا ، موتیا ، لالہ
جوہی ، چمپا اور بنفشہ
دیکھو ہر کوئی شاد ہے نا
آج تمہاری سالگرہ ہے
دیکھو ہم کو یاد ہے نا

ہم تو صرف دعاءگو لوگ
خاک و مہر کا کیا سنجوگ
پاس رہیں یا دور رہیں
وحشت سے رنجور رہیں
یہاں محفل آباد ہے نا
آج تمہاری سالگرہ ہے
دیکھو ہم کو یاد ہے نا

کیسے کیسے خواب بنیں
رنگ برنگے پھول چنیں
ُان کے ہاتھہ پہ ہاتھہ رہے گا
سالگرہ کا کیک کٹے گا
خواب ہر ایک آباد ہے نا
آج تمہاری سالگرہ ہے
دیکھو ہم کو یاد ہے نا