خوشبو جیسے لوگ ملے افسانے میں
ایک پرانا خط کھولا انجانے میں
شام کے سائے بالشتوں سے ناپے ہیں
چاند نے کتنی دیر لگا دی آنے میں

رات گزرتے شاید تھوڑا وقت لگے
دُھوپ اُنڈیلو تھوڑی سی پیمانے میں

جانے کس کا ذکر ہے اس افسانے میں
دَرد مزے لیتا ہے جو دوہرانے میں

دِل پر دستک دینے کون آ نکلا ہے
کس کی آہٹ سنتا ہوں ویرانے میں

ہم اس موڑ سے اُٹھ کر اگلے موڑ چلے
اُن کو شاید عمر لگے گی آنے میں

سنو انجانی لڑکی تم۔۔۔۔۔


سنو انجانی لڑکی تم۔۔۔۔۔
محبت نام نہ لینا
محبت نام ہے جس کا
نہ ہی منزل نہ ہی رستہ
ادھوری داستاں ہے یہ
ادھورے لفظوں کی مانند
بہت سے درد دیتی ہے
محبت کی مسافت میں
اذیت ہی اذیت ہے
فقط تنہائی کا سودا
جودکھ ہی دکھ دیتا ہے
سنو انجانی لڑکی تم۔۔۔۔۔
کبھی اس راہ پر مت چلنا
جہاں کوئی نہیں منزل
جہاں کانٹے ہی کانٹے ہیں
سنو انجانی لڑکی تم۔۔۔۔۔
یہ محبت کچھ نہیں ہے
فقط خوابوں کی کہانی ہے
جوادھورے ہی رہتے ہیں
مسلسل دکھ ہی دیتے ہیں
کبھی پورے نہیں ہوتے
سنو انجانی لڑکی تم۔۔۔۔۔
محبت نام نہ لینا

میں یہ نہیں کہتی

میں یہ نہیں کہتی
کہ کوئی دل میں نہ سمائے
میں یہ نہیں کہتی
کہ کوئی آرزونہ بن پا ئے
پر!
اتنا ضرور کہنا ہے
اگر سمجھ سکو تو
یہ سمجھ لو
کہ دل میں کبھی کسی کو اتنی جگہ نہ دو
کہ دل کے لئے دھڑکناہی
مشکل ہو جائے

یونہی بے سبب نہ پھرا کرو، کوئی شام گھر بھی رہا کرو

یونہی بے سبب نہ پھرا کرو، کوئی شام گھر بھی رہا کرو

یونہی بے سبب نہ پھرا کرو، کوئی شام گھر بھی رہا کرو

وہ غزل کی سچی کتاب ہے اسے چپکے چپکے پڑھا کرو

کوئی ہاتھ بھی نہ ملائے گا جو گلے ملو گے تپاک سے 

یہ نئے مزاج کا شہر ہے ذرا فاصلے سے ملا کرو

ابھی راہ میں کئی موڑ ہیں کوئی آئے گا کوئی جائے گا

تمہیں جس نے بھلا دیا اسے بھولنے کی دعا کرو

مجھے اشتہار سی لگتی ہیں یہ محبتوں کی کہانیاں

جو کہا نہیں وہ سنا کرو، جو سنا نہیں وہ کہا کرو

کبھی حسن پردہ نشیں بھی ہو ذرا عاشقانہ لباس میں

جو میں بن سنور کے کہیں چلوں مرے ساتھ تم بھی چلا کرو

نہیں بے حجاب وہ چاند سا کہ نظر کا کوئی اثر نہ ہو

اسے اتنی گرمئ شوق سے بڑی دیر تک نہ تکا کرو

یہ خزاں کی زرد سی شال میں جو اداس پیڑ کے پاس ہے

یہ تمہارے گھر کی بہار ہے اسے آنسوؤں سے ہرا کرو

شاعر بشیر بدر

muhabbat zinda rehti hai

urdu graphical poetry 

urdu poetry in Real Urdu 

Largest collection of urdu poetry online