zakhm-tanhaaee main khushboo-e-hina kis kee thee....!!!!!
zakhm-tanhae main khushboo-e-hina kis kee thee
saaya deevar pay maira tha sada kis kee thee
us kee raftar say liptee rahee mairee aankhain
us nay mur kar bhee na daikha kay wafa kis kee thee
waqt kee tarha dabay paaun ye kaun aaya hay
main andhaira jisay samjha wo qaba kis kee thee
aansuon say hee sahee bhar gaya daaman maira
haath to main nay uthaye thay dua kis kee thee
mairee aahon kee zabaan koee samajhta kaisay
zindagee itnee dukhee mairay siva kis kee thee
aag say dostee us kee thee jala ghar maira
dee gaee kis ko saza aur khata kis kee thee
main nay beenaayaan bo kar bhee andhairay kaatay
kis kay bas main thee zameen abr-o-hava kis kee thee
chore dee kis kay liay too nay "muzaffar" dunia
justujoo see tujhay har waqt bata kis kee thee....!!!!
No comments:
Post a Comment