Ik taza hikayat hai

Ik taza hikayat hai
sun lo to inayat hai

ik taza hikayat hai,      Sun lo to inayat hai

ik shakhs ko daikha tha,      taaro'n ki tarah hum nay

ik shakhs ko chaaha tha,   apno'n ki tarah hum nay

ik shakhs ko sajha tha,   phulon ki tarah hum nay

woh shakhs qayamat tha,  kya uski karein baatain

din us k liye behta,  or uski he thein raaten

kab milta kisi say tha, hum say thein mulaqaatein

rang uska shaahabi tha, zulfo,n mein thein mehkaarain

aankhain thein k jaadu tha, palkain thein k talwaarain

dushman b agar daikhain, so jaan say dil haarain

kuch tm say wo milta tha, baato,n mein shabaahat thi

haan tm sa he lagta tha, shokhi mein, sharaarat mein

lagta b tum he sa tha, dastoor-r-mohabbat mein

wo shakhs humain ik din, apno,n ki tarah bhoola

taaro,n ki tarah dooba, phoolo,n ki tarah toota

phir haath na aaya wo,  hm nay bohat dhoonda

tm kis liye chonkay ho,  kab zikr tumhara hai

kab tm say takaaza hai,  ik taza hikayat hai

sun lo to inayat hai, ik shakhs ko dekha tha apno,n ki tarah hum nay

ik shakhs ko chaaha tha apnon ki tarah hum nay

ik taza hikayat hai

sun lo to inaayat hai