میں تیرے ملنے کو معجزہ کہہ رہا تھا لیکن
تیرے بچھڑنے کا سانحہ بھی کمال گزرا

Ads

Friday, July 13, 2012

آئینہ نہیں توڑو

آئنہ نہیں توڑو

آئنے سے ڈرتے ہو، آئنے کو مت توڑو
ٹوٹ کر بھی آئینہ، آئنہ ہی رہتا ہے
آئنے کا ہر ٹکڑا، آئنہ ہی ہوتا ہے
جس کسی میں دیکھو گے عکس بنتے جاؤ گے
آئنے سے بچ کر تم جا کہیں نہ پاؤ گے
آئنہ حقیقت ہے، اس سے منہ نہیں موڑو

آئنے میں رہتے ہو ، آئنے کو مت توڑو
آئنہ جو ٹوٹے گا، تم بھی ٹوٹ جاؤ گے
عمر بھر نہیں خود کو پھر سمیٹ پاؤ گے
دوسرا بھی کوئی پھر کب سمیٹ پاتا ہے
عکس کرچیاں ہو کر جب بکھرتا جاتا ہے
آئنہ محبت ہے' اس کا ساتھ مت چھوڑو
آئنہ نہیں توڑو

Related Posts Plugin for WordPress, Blogger...

Follow on Facebook